სამეფო: ცხოველები ტიპი: ფეხსახსრიანები კლასი: მწერები რიგი: ხეშეშფრთიანები ოჯახი: ლეშიჭამიასებრნი
ლათინური სახელი: Silphidae
ლეშიჭამიასებრნი (Silphidae), მწერების ოჯახი ხოჭოების რიგისა.
მათი სხეულის სიგრძე 6-იდან 40 მმ აღწევს. მატლი ბრტყელია, მოძრავი.
ოჯახში 500-ზე მეტი სახეობაა, რომელთაგან საქართველოში 50-ზე მეტი
გვხვდება. გავრცელებული არიან ყველა მატერიკაზე, ძირითადად ზომიერი ჰავის
პირობებში. ლეშიჭამიასებრთა ფორმები იკვებებიან ლეშით, მაგ., შავი
ლეშიჭამია (Silpha oscura) და მესაფლავე ხოჭო. უმცირესობა, მაგ.,
ლეშიჭამია (Dendroxena quadrimaculata [= Xylodrepa quadripunctata]),
მტაცებელია, სპობს ბაღისა და ტყის მავნე მატლებს, რითაც სარგებლობა მოაქვს
სახალხო მეურნეობისათვის. ზოგი ლეშიჭამიასებრნი მცენარიჭამიაა, მაგ., ლეგა
ლეშიჭამია (Aclypca opaca) კულტურულ მცენარეებს აზიანებს.
ინფორმაცია
ძვირფასო მომხმარებელო, თქვენ ბრძანდებით საიტზე როგორც სტუმარი. კომენტარის დასატოვებლად თქვენ უნდა დარეგისტრირდეთ ან გაიაროთ ავტორიზაცია.